Tuesday, April 29, 2014

2054లో

2054 లో ఇవి ఇలా ఉండొచ్చు... వీళ్ళు అలా ఉండొచ్చు అని చిలిపి ఊహ!

ఆహారం:
ఇడ్లీ  పిల్స్... భోజనం ఇంజెక్షన్స్... విందు పేరెత్తకుండా వాక్సిన్!

మొబైల్ ఫోన్:
స్క్రీన్ సైజు పెరిగి పోయి ఒక్కో ఫోన్ చేట అంత ఉంటుందేమో... దాని మీద రుద్దుకోటానికి రోకలి అంత స్టైలస్ ఉంటుందేమో... ఇవన్నీ మోయటానికి రోబోలు కొనుక్కుంటామేమో!

నీళ్ళు:
మ్యూజియంలో ఉంటాయేమో!

ముద్దు:
కాలుష్యం ఎక్కువైపోతే అందరు మాస్కులు వేస్కుని తిరుగుతుంటే ఇంకా ముద్దేంటి నా బొంద!

జీతం:
ఇప్పుడే హైక్ అని చెప్పి వేరుశనగలు ఇస్తున్నారు... అప్పుడు ఆవాలు ఇస్తారేమో?!

మొక్కలు... చెట్లు:
అంటే?

సర్జరీ:
ఆఫీసుకి వెళుతూ దారిలో ఆగి చేయించుకుంటామేమో!

పెళ్ళిళ్ళు:
అమ్మాయి దొరికితే ఎదురుకట్నం ఇవ్వాలేమో... దొరక్కపోతే ఇంకో అబ్బాయినే చేస్కోవాలేమో!!

తెలుగు:
వాట్ ద....  ఈజ్ టెల్గు బ్రో?!

అమెరికా:
అందరి మీద దాడి చేసి చేసి విసిగొచ్చి, గ్రహాల మీద పడతారేమో.

రాజమౌళి:
బాహుబలి తర్వాత ఇంకో రెండు సినిమాలు తీస్తాడేమో!

నేను:
అప్పటికి కూడా పని పాట లేకుండా ఇలా రాస్కుంటూనే ఉంటానేమో!





Wednesday, April 23, 2014

పప్పుగాడు

పప్పుగాడి పూర్తి పేరేమిటి?
ముద్ద పప్పు

పప్పుగాడి చమక్కులు కొన్ని చెప్పండి?
ఇవాళ్ళ పొద్దున నేను అర్ధరాత్రి నిద్ర లేచాను!!
మీ మీద జరిగే దురాచారాలని(అత్యాచారాలు అనబోయి) ఆపండి!!

పప్పు మీటింగ్ కు జనాలు ఎందుకు వస్తారు?
వీలైతే నాలుగు నవ్వులు... కుదిరితే కొన్ని వాక్య దోషాలు సరిచేయటానికి

పప్పు గాడికి వచ్చిన మాటల్లో  ఎక్కువ వినపడేవి ఏమిటి?
ఎఫ్.డి.ఐ, ఆర్.టి.ఐ, విమెన్ ఎమ్పవర్మెంట్

"లవ్లీ" పాటను పప్పు ఎలా పాడతాడు?
ఓ పిల్లా నీ పేరు లవ్లీ నిన్ను కాస్త ఎంపవర్ చేయాలి
నీ బాబు చేసే పనేంటో దాని మీద ఆర్టిఐ వేయాలి

పప్పుగాడు చెయ్యెత్తి పిలిస్తే ఏమవుతుంది?
దేశం సగం చంక నాకిపోతుంది.

పప్పుకి, ఇపుడున్న మోహన్ కి తేడా ఏమిటి?
మోహన్ ఎప్పుడు మాట్లాడతాడో అని ఎదురుచూస్తాం .... పప్పు ఎప్పుడు ఆపుతాడో అని

బాలయ్యకి పప్పుకి తేడా ఏమిటి?
బాలయ్య తొడ కొట్టగలడు... తుపాకి పేల్చగలడు... బులెట్ ని మనిషి శరీరంలోనే ఉంచేసి బతికించేయగలడు ... మిగతాదంతా సేమ్ టు సేమ్!

పప్పు పెద్ద ముదురా?
వయసులోనే  తప్ప మెదడులో కాదు

పంచ్ డైలాగులో పప్పుకి బుడ్డోడికి తేడా ఏంటి?
పప్పు ఏమో నేను మా కుటుంబం అంటాడు... బుడ్దోడు ఏమో నేను మా తాత  అంటాడు

డెవలప్మెంట్ ఇంగ్లీష్ లో స్పెల్లింగ్ అడిగితే పప్పు ఏమి చేస్తాడు?
వాళ్ళ అమ్మ వైపు చూస్తాడు... ఆవిడ కాంగ్రెస్ శ్రేణుల వైపు చూస్తుంది... వాళ్ళంతా ప్రియాంక వైపు చూస్తారు... ప్రియాంక వాళ్ళ ఆయనేమో అదేమిటో ప్రాక్టికల్ గా చూపిస్తాడు!!

పప్పుకి వాద్రాకి తేడా ఏమిటి?
పప్పు పని చేయకుండా మాట్లాడుతుంటాడు... వాద్రా మాట్లాడకుండా "పని" కానిచ్చేస్తుంటాడు!

Wednesday, April 16, 2014

పకోడీలు - 3

మాన భంగం పెద్ద నేరమేమి కాదంటాడు ములాయం
ఆయన మీద జరిగితే కాని అర్ధంకాదేమో విషయం
అసలే అతివకు ప్రతిరోజు భయం భయం
ఇలాంటోళ్ళ వల్ల  అది నిజమవటం ఖాయం!


సమయం చూసి కొట్టాడు సంజయ్ బారు
కాంగ్రెస్ అంటోంది ఆ పుస్తకమే చవకబారు
సమయాన్ని ప్రశ్నించవచ్చు గాక
కాదనలేం అది పుట్టించిన కాక
మోహనుడిని డమ్మీ చేసిన రాజమాత
చేసినవన్నీ ప్రధానివే అని పైపూత
అలా సహకరించనందుకేనేమో పి వి నరసింహారావు
ఆయన విజయాలు ఏ కొద్దిమందికో తప్ప తెలియవు!


హిందూపురంలో బాలయ్య నామినేషన్
అక్కడ మొదలైందేమో ఇక టెన్షన్
ఏ టైములో ఎక్కడ ఏమి మాట్లాడతాడో
ఎవరింటి ముందర ఎందుకు తొడ కొడతాడో!



Saturday, April 12, 2014

పకోడీలు - 2

బాలయ్యకి దొరికింది హిందూపురం
హరికృష్ణకి మాత్రం టికెట్టు ఇంకా దూరం
కృష్ణయ్యకీ దొరికింది టికెట్టు
హరికృష్ణకి తప్పలేదు ఇక్కట్టు
రమ్మంటే వస్తానని బుడ్డోడు
చంద్రబాబుకి వాడు చెడ్డోడు
ఎవరికీ కానివారీ తండ్రీకొడుకులు
ఏమి చేసినా ఉడకటం లేదు వీళ్ళ పప్పులు!!

ఎవరూ దొరక్కపోతేనే అభిమానులు గుర్తొస్తారు
అప్పుడు మాత్రం పిలిచి మరీ టికెట్టు ఇస్తారు!
పడుతుందో లేదోగాని వోటు
పరువు కోసం నిలబెట్టాలి కాండిడేటు
తెగ కష్టపడిపోతున్నాడు పద్మభూషణుడు
మళ్ళీ అవుతాడా విషణ్ణ వదనుడు!
నల్లారి వల్లే మనకీ దుర్గతని చిరంజీవి
చల్లారినవి పట్టించుకోవటం లేదు ఏ జీవి!


Thursday, April 10, 2014

పకోడీలు - 1

ఎవడికి (అధికార) దాహమేస్తే ఎవడిని పడితే వాడిని పార్టీలో చేర్చుకుంటాడో ఆడే చంద్రబాబు!!

పెళ్లి చేస్కోలేదు అంటే కొంతమంది అబద్ధమని తిట్టారు! 
అవును చేస్కున్నాను అంటే ఇంతకుముందు తిట్టని వాళ్ళు కూడా తిడుతున్నారు!!
మరదే కా"మోడి" అంటే!!! 

జర్రున ముందుకు వచ్చావు... బర్రున వెనక్కు పోయావు 
మోడీ మోడీ అన్నావు... భాజపం చేశావు 
పెళ్లై కూడా చెప్పనందుకు ప్రశ్నించవేమిరా 
ఎక్కడున్నావు నాయనా పవన కళ్యాణా!!

ఒకటేమో చెయ్యి (ఇచ్చే) పార్టీ 
ఇంకోటేమో పువ్వు (పెట్టే)పార్టీ 
మరోటేమో దెబ్బలు తినే పార్టీ 
యెవడొచ్చినా తప్పదు మనకి కష్టాల దోస్తీ!

Saturday, April 5, 2014

వచ్చేవారే! పోయేవారే!!

ఎన్టివోడు వచ్చినాడు... "లపా" "లపా" అన్నాడు
"అల్లుడుగారు" సినిమా చూసి పైకి టపా కట్టాడు!

చంద్రబాబు వచ్చినాడు... స్వర్ణాంధ్ర అన్నాడు 
ఆ వెలుగులు చూడలేక వరుణుడు కళ్ళు మూశాడు! 

రాజశేఖరుడొచ్చినాడు... జలయజ్ఞం అన్నాడు 
"జగన్నా"టకాలాడి... జనాల్ని జలగల్లె పీల్చాడు!

చిరంజీవి వచ్చినాడు... జనం రమ్మన్నారన్నాడు(?)
రాజ్యం తెస్తానన్నోడు... సామంత రాజై (రాజ్యసభకి) పోయాడు!

నల్లారి వచ్చినాడు... సమైక్యాంధ్ర అంటాడు
చేతులు కాలిపోయాక బూతులు తిడదామంటాడు!

పవన్ బాబు వచ్చినాడు... ప్రశ్నిస్తా(అన్నను తప్ప) అన్నాడు 
అదే ఆవేశంతో తనను తాను "మోడి"ఫై చేస్కున్నాడు!