వడ విత్ వర్మ!

DISCLAIMER : ఈ బ్లాగ్ లో ఉన్న పాత్రలు (వడలు తెచ్చిన పాత్రలు కాదు) కల్పితం కాదు కానీ  మాట్లాడుకున్న మాటలు అన్నీ కల్పితం.  ఏదో సరదా కోసం చేసిన ప్రయత్నం... 

ఆ మధ్య ఎప్పుడో ఇంటర్నెట్లో పుస్తకాల షాపుకెళ్ళి చూస్తుంటే "వోడ్కా విత్ వర్మ" అనే పుస్తకం కనపడింది. రాంగోపాల్ వర్మ మీద పుస్తకం అది.  ఏమి ఉంటుందా ఆ బుక్ లో అని ఆలోచిస్తూ అలాగే ఆ రోజు నిద్దరోయాను.

ఆ పక్క రోజే కల వచ్చింది -  నేను వర్మ ని ఇంటర్వ్యూ చేసినట్టు !!! మొదట్లో ఇంటర్వ్యూ కి రాను అన్నాడు. నేను మీ "RGV ki AAG" చూసాను. కాబట్టి ఛాన్స్ ఇవ్వాల్సిందే అన్నాను ...ఇంకేమీ అనకుండా ఒప్పుకున్నాడు!
ఇంటర్వ్యూ ఇలా సాగింది ......

నేను: "నమస్కారమండి వర్మగారు! 'గుండె కోసే కత్తి' ప్రోగ్రాం కి స్వాగతం!!"
RGV: "నమస్తే గాని ఎవరు మీరు? ఎప్పుడు చూడలేదే? ఎక్కడా వినలేదే? మీ గురించి మీ ప్రోగ్రాం గురించి?"

(మళ్ళీ అదే ప్రశ్న)

నేను: "నా పేరు కత్తి కాంతారావు. కత్తి లాంటి బ్లాగులు ఇంటర్నెట్లో రాస్తుంటాను"
RGV: "అవునా! 'గుండె కోసే కత్తి' అంటే గుండె గురించి కత్తుల గురించి అడుగుతారనుకున్నా. నాకు తుపాకులు, అడవులు, దయ్యాలు, మాఫియాలు తప్ప ఇంకేమి తెలివు"

నేను: "ఇక్కడ నేను కత్తిని. నా ప్రశ్నలతో మీ గుండెలో నుండి జవాబులు రాబడతా. అందుకే అలా పేరేట్టాను"

(ఇంతలో వేడి వేడి గా వడలు వచ్చాయి )

నేను: "వోడ్కా ఇవ్వటానికి మాకంత బడ్జెట్ లేదు. అందుకే వడలు తెప్పించాం. తీస్కోండి. నెమ్మదిగా తినండి. ప్రోగ్రాం చివరి దాకా రావాలి"
RGV: "మీరు RGV ki AAG చూసినప్పుడు, నేను వడలు తినలేనా"

నేను: "మీకు ముందే తెల్సా ఆ సినిమా పోతుందని... ?"
RGV: "లేదు... నేను ఏ టేస్ట్ తో తీసానో ... అదే టేస్ట్ తో ప్రేక్షకులు చూడలేదు ... అందుకే పోయింది"

నేను:  "అంటే RGV ki AAGAM అని పెట్టుంటే బాగుండేది అని జనాలు అనుకున్నారు"
RGV: "అనుకున్నది జనాలా మీరా?? ఎవరేమనుకున్నా నేనేమి పట్టించుకోను"

(నాకు నమ్మకం కుదిరింది ... నేను RGV  నే ఇంటర్వ్యూ చేస్తున్నా అని... నేనేదో modest గా అన్నాడేమో వడలు తినలేనా అని అనుకున్నా మొదట్లో )

నేను: "మీరు అడవి సినిమాకి కొనసాగింపు తీస్తున్నారా"
RGV: "అవును ... ఒక సీక్వెల్ ..ఒక ప్రీక్వెల్"

నేను:  "పేర్లెంటో తెల్సుకోవచ్చా"
RGV: "ప్రీక్వెల్ పేరు చిట్టడవి ... సీక్వెల్ పేరు కారడవి"

నేను:  "సబ్జెక్టు ఏంటో"
RGV: "అడవుల్లో ఉండే మాఫియాలు... వాళ్ళు కాల్చే తుపాకులు  ..చచ్చి తిరిగే దయ్యాలు...'డిఫరెంట్' కాన్సెప్ట్"

నేను:   "డిఫరెంట్?!"
RGV: "అవును ... నేను ఎంత డిఫరెంట్ గా తీసిన మీకు నచ్చకపోతే మీరే డిఫరెంట్ పర్సన్ అని అర్ధం!!"

నేను:  "మీ పోయిన సినిమా ..సారీ! మీరు పోయినసారి తీసిన సినిమా "డిపార్టుమెంటు" ఎందుకు ఫ్లాప్ అయింది?"
RGV: "నా కాన్సెప్ట్ లో ప్రాబ్లెమ్ లేదు"

(కాన్సెప్ట్ అంటే తుపాకులు మాఫియా పోలీసులు ... షరా మామూలే అని అర్ధం)

నేను:  "మరి?"
RGV: "సంజయ్ దత్ ని పెట్టుకోవటం పెద్ద తప్పు. కెమెరా వైపు చూడకుండా నటించి పారేసాడు. నాకు చెప్పి చెప్పి విసిగోచ్చి అలాగే తీసి పారేసాను"

(ఈయన ఎక్కడ పడితే అక్కడ కెమెరాలు పెడతాడు... అసలే కష్టపడి నటించే సంజయ్ కి అర్ధమయ్యి ఉండదు ... కెమెరా ఎక్కడ ఉందో)

నేను:  "ఎవరూ ఊహించని ప్రదేశాల్లో కెమెరాలు పెట్టాలని మీకు ఎలా అనిపిస్తుంది? మీరు ఎంతైనా డిఫరెంట్ గా ఆలోచిస్తారు"
RGV: "అది నా హాబీ... ఖాళి సమయాల్లో అదే నా టైం పాస్... ఇంట్లో కుర్చుని మా ఇంట్లో ఎక్కడెక్కడ కెమెరాలు పెట్టొచ్చా అని ఆలోచిస్తుంటా"

నేను:  "మీరు రంగీలా లాంటి సినిమా మళ్ళీ తీయలేదే"
RGV: "నాకూ రొమాన్స్ కి పడదు.. అందుకే తీయలేదు"
నేను:  "సినిమా హిట్టైంది గా?"
RGV: "అయితే నాకేంటి? నేనింతే!"

నేను:  "మీరూ రానా టచ్ లోనే ఉంటారా?"
RGV: "ఏమో డిపార్టుమెంటు రిలీజ్ తర్వాత కలవలేదు తను"

(కలవలేదా? దొరకలేదా??)

నేను:  "సత్య సూపర్ హిట్టు ... మరి సత్య-2 ఎందుకు ఫట్టు?"
RGV: "అంతా ఆ ధనలక్ష్మి దయ!"
నేను:  "అది తెలుగు లో .. మరి హిందీ లో?"
RGV: "ఆ హిందీ జనాలు నాకు అర్ధం కారు... వాళ్ళని చూసి తెలుగు జనాలు కుడా అలానే తయారవుతున్నారు... "డిఫరెంట్" కాన్సెప్ట్ ఫిల్స్మ్ ఎలా చూడాలో తెలిదు వాళ్లకి"

నేను:  "డిఫరెంట్ అంటే?"
RGV: "ముంబై కి సింగిల్ గా వచ్చిన హీరో మాఫియా డాన్ ఎలా అయాడు? ఎంత డిఫరెంట్ కాన్సెప్ట్"
నేను:  "ఆల్రెడీ పూరి బిజినెస్ మాన్ లో అలాంటి కాన్సెప్ట్ తోనే ఉచ్చ పోయించాడు కదా"
RGV: "రెండు సేమ్ కాన్సెప్ట్స్ కావు ... మీకు అర్ధం అయినట్టు లేవు"
నేను:  ".."
RGV: "వడలు బావున్నాయి"

(నాకెందుకో ఆ వడలు నచ్చలేదు... బాలేదంటే మళ్ళీ టేస్ట్ లేదు మీకు అంటాడేమో అనుకుని నవ్వాను)

నేను:  "మీకు కరణ్ జోహార్ కి ఎందుకు పడదు?"
RGV: "నేనేదైనా ఓపెన్ గా చెబుతాను ... ఆయన సినిమాలు నాకు నచ్చవు.. అదే చెప్పాను.."
నేను:  "ఆయనకి మండింది గా"
RGV: "మండనివ్వండి... నాకేమి ప్రాబ్లం లేదు"
నేను:  "ఆయన తీసిన సినిమాలు అన్నీ ఆడాయిగా?"
RGV: "అదే అర్ధం కాదు... ఆయనేమో కాలేజీలో కింద కాయితంముక్క లేకుండా లవ్ స్టొరీ తీస్తే ఎగబడి చూస్తారు.. నేనేమో కష్టపడి అడవుల్లోకెళ్ళి దెబ్బలు తగిలించుకుని సినిమాలు తీస్తే ఎవడికి నచ్చదు... ఆయనేమో న్యూయార్క్ బ్యాక్డ్రాప్ పెట్టి పాటలు పెడితే ఎంజాయ్ చేస్తారు.. నేనేమో నాచురల్ స్టోరీస్ చూపిస్తే చూడరు... "
నేను:  "నాచురల్ స్టోరీస్ అంటే?"
RGV: "చూసారా మీకు కూడా తెలీదు... "
నేను:  ".."


నేను:  "2013 లో మీకు కలిసొచ్చిందా?"
RGV: "బాగా!... జంజీర్ రీమేక్ వచ్చి RGV ki AAG ని రెండో ప్లేస్ కి తోసేసింది... ఐ యాం వెరీ హ్యాపీ!"
(ఈ ప్లేస్ ల గొడవేంటో మీకు తెల్సుగా)

నేను:  "జంజీర్ రీమేక్ ఎందుకు పోయిందంటారు?"
RGV: "అది ఆయిల్ మాఫియా సబ్జెక్టు... మాఫియా సబ్జెక్టు సరిగ్గా డీల్ చేయలేదు... "
నేను:  "జనాలకి ఆయిల్ మాఫియా ఏంటో అర్ధమవలేదేమో?"
RGV: "దానికన్నా రామ్ చరణ్ ఎక్స్ప్రెషన్స్ అర్ధమై ఉండవు"
నేను:  "పాపం ఆయనకీ హిందీ అర్ధమయి ఉండదు లెండి"

నేను:  "మీరు బాలకృష్ణ తో సినిమా చేయొచ్చు కదా... ఎలా ఉంటుందా అని ఆసక్తి నాకు"
RGV: "ఎందుకు?"
నేను:  "ఎందుకంటే క్రేజీ కాంబినేషన్ కదా... "
RGV: "జోగి జోగి రాస్కుంటే ప్రపంచం అంతా బూగి-ఊగి అయిందట"
నేను:  "మీరు మరీ ఓపెన్ గా మాట్లాడుతున్నారే!?"
RGV: "ఇంకా ఓపెన్ గా మాట్లాడగలను... "
నేను:  "చెప్పండి ఏంటో"
RGV: "నువ్వో పెద్ద పనికి మాలిన వాడివి.. పని పాట లేక బ్లాగులు రాస్తుంటావు"

నాకు వెంటనే మెలుకువ వచ్చింది... లేచి ఆఫీసు లో పని చేసుకోసాగాను!