2054లో

2054 లో ఇవి ఇలా ఉండొచ్చు... వీళ్ళు అలా ఉండొచ్చు అని చిలిపి ఊహ!

ఆహారం:
ఇడ్లీ  పిల్స్... భోజనం ఇంజెక్షన్స్... విందు పేరెత్తకుండా వాక్సిన్!

మొబైల్ ఫోన్:
స్క్రీన్ సైజు పెరిగి పోయి ఒక్కో ఫోన్ చేట అంత ఉంటుందేమో... దాని మీద రుద్దుకోటానికి రోకలి అంత స్టైలస్ ఉంటుందేమో... ఇవన్నీ మోయటానికి రోబోలు కొనుక్కుంటామేమో!

నీళ్ళు:
మ్యూజియంలో ఉంటాయేమో!

ముద్దు:
కాలుష్యం ఎక్కువైపోతే అందరు మాస్కులు వేస్కుని తిరుగుతుంటే ఇంకా ముద్దేంటి నా బొంద!

జీతం:
ఇప్పుడే హైక్ అని చెప్పి వేరుశనగలు ఇస్తున్నారు... అప్పుడు ఆవాలు ఇస్తారేమో?!

మొక్కలు... చెట్లు:
అంటే?

సర్జరీ:
ఆఫీసుకి వెళుతూ దారిలో ఆగి చేయించుకుంటామేమో!

పెళ్ళిళ్ళు:
అమ్మాయి దొరికితే ఎదురుకట్నం ఇవ్వాలేమో... దొరక్కపోతే ఇంకో అబ్బాయినే చేస్కోవాలేమో!!

తెలుగు:
వాట్ ద....  ఈజ్ టెల్గు బ్రో?!

అమెరికా:
అందరి మీద దాడి చేసి చేసి విసిగొచ్చి, గ్రహాల మీద పడతారేమో.

రాజమౌళి:
బాహుబలి తర్వాత ఇంకో రెండు సినిమాలు తీస్తాడేమో!

నేను:
అప్పటికి కూడా పని పాట లేకుండా ఇలా రాస్కుంటూనే ఉంటానేమో!