పకోడీలు - 3

మాన భంగం పెద్ద నేరమేమి కాదంటాడు ములాయం
ఆయన మీద జరిగితే కాని అర్ధంకాదేమో విషయం
అసలే అతివకు ప్రతిరోజు భయం భయం
ఇలాంటోళ్ళ వల్ల  అది నిజమవటం ఖాయం!


సమయం చూసి కొట్టాడు సంజయ్ బారు
కాంగ్రెస్ అంటోంది ఆ పుస్తకమే చవకబారు
సమయాన్ని ప్రశ్నించవచ్చు గాక
కాదనలేం అది పుట్టించిన కాక
మోహనుడిని డమ్మీ చేసిన రాజమాత
చేసినవన్నీ ప్రధానివే అని పైపూత
అలా సహకరించనందుకేనేమో పి వి నరసింహారావు
ఆయన విజయాలు ఏ కొద్దిమందికో తప్ప తెలియవు!


హిందూపురంలో బాలయ్య నామినేషన్
అక్కడ మొదలైందేమో ఇక టెన్షన్
ఏ టైములో ఎక్కడ ఏమి మాట్లాడతాడో
ఎవరింటి ముందర ఎందుకు తొడ కొడతాడో!